20.02.2013

NVE melder om flott skiføre


Snømengder i Noreg per 19. februar 2013

Dei siste dagane har det kome mykje snø på Nordvestlandet, sørleg del av Nordland og noko i nordleg del av Austlandet. På Vestlandet, i Midt-Noreg og kysten av Nord-Noreg ligg snømengda framleis under normalen, men skiforholda er gode i heile Noreg og det ligg an til ein flott vinterferie.

Austlandet: Mest snø kom det i områda rundt Rondane og Gudbrandsdalen den siste veka, over 25 cm. I slutten av førre veke kom det mest snø i Telemark og Buskerud, men dei siste dagane har det kome mest i Oppland og Hedmark, ca 20 cm. I heile Vestfold er det godt skiføre. I Østfold, Oslo og Akershus må ein noko høgare for sikkert skiføre. På 500 moh er det over ein halv meter snø stort sett på heile Austlandet. I Telemark, Buskerud og Hedmark ligg det ca. 80 cm snø på 800 moh, og i Oppland ligg det over ein meter i same høgde.

Vestlandet og Trøndelag: Den siste veka har det kome mest snø i Fjordane, Voss, Trollheimen og Romsdal. Men Sogn og Nordfjord har også fått mykje nysnø. Berre dei siste dagane har det kome over ein halv meter i deler av desse områda. Det har vore noko snøsmelting langs kysten og grensa mellom tørr og våt snø ligg på ca. 600 moh. I Trøndelag er det tørr og fin snø frå ca. 200 moh og på 500 moh ligg det 40-50 cm snø. På 700-800 moh ligg det no 70-80 cm snø i Rogaland, nær ein meter i Sogn og Fjordane, over ein meter i Hordaland. I Møre og Romsdal ligg det i snitt ein halv meter i same høgde.

Nord-Noreg: Med unnatak frå sør i Nordland, som har fått ca ein halv meter nokon stader, har det ikkje kome mykje snø i Nord-Noreg. Troms har ikkje fått noko snø på ei veke. På 500 moh ligg det no ca. 75 cm i Nordland, 85 cm i Troms og 60 cm i Finnmark.

Dagens snøkart stemmer godt med målte snødjup på 73 % av 226 av snømålestasjonane til met.no (sjå samanlikningskart her). På dei høgste stasjonane har snøkartet ein tendens til noko overestimering av snødjup.

Sjå meir detaljert kart på www.senorge.no og www.snøkart.no, eller følg oss på facebook og twitter.

Markedskommentar uke 43 2020

Spotprisen på Østlandet i prisområde NO1 ble i forrige uke 21,5 øre/kWh. Denne uken ser prisen ut til å bli rundt 19,5 øre/kWh. Forventet pris for kommende uke er 18,5 øre/kWh for Sør-Norge.

Les mer

Tilsvar til Forbrukerrådets pressemelding 21.10.2020

Forbrukerrådet sendte 21.10.2020 ut en pressemelding om at 29 strømselskap klages inn for ulovlige avtaler. Gudbrandsdal Energi AS ber Forbrukerrådet dementerer dette grunnet feilaktige opplysninger.

Les mer

Markedskommentar uke 42 2020

Spotprisen på Østlandet i prisområde NO1 har den siste tiden steget betraktelig, fra rundt 3-4 øre/kWh de første dagene i oktober til over 20 øre/kWh de siste dagene denne uken.

Les mer

Markedskommentar uke 41 2020

Spotprisen på Østlandet i prisområde NO1 ble i forrige uke 2,95 øre/kWh. Denne uken ser prisen ut til å bli rundt 9 øre/kWh. Det er fremdeles svært lave kraftpriser i Norge og prisene ligger godt under prisene i våre naboland som Sverige, Danmark og Finland. Forventet pris for kommende uke er 15 øre/kWh for Sør-Norge.

Les mer
Skriv hva du leter etter og trykk [Enter]
Hei, kan jeg hjelpe deg med noe?