Hjem > Siste nytt > NVE løyve til Osane kraftverk i Suldal

NVE løyve til Osane kraftverk i Suldal

Publisert 08.03.2013, sist oppdatert 05.09.2017

NVE gir Småkraft AS løyve til å bygge Osane kraftverk i Suldal kommune i Rogaland. Vasskraftverket vil få ein årleg produksjon på omlag 8,3 GWh. Det tilsvarar straumbruken til rundt 400 husstandar.

Osane kraftverk vil nytte ei fallhøgd på 95 meter mellom eit inntak 702 moh, like nedanfor Grunnavatnet, og ein kraftstasjon ved Sandsavatnet, 607 moh. Vatnet skal førast til kraftstasjonen i tunnel på heile strekninga.

Den viktigaste problemstillinga i saka er slik NVE ser det, omsynet til landskapet og friluftsinteressene i området. NVE meiner at dette er teke omsyn til ved krav om tunnel og slepp av ei betrakteleg høgare heilårs minstevassføring enn opphavleg omsøkt. Eit anna tema i saka har vore omsynet til hubro. NVE meiner at dersom anleggstida vert lagt utanom hekketida, vil fuglen ikkje verte vesentleg råka av tiltaket.

NVE vurderer at dei samla negative verknadene av utbygginga kan aksepterast, sett i forhold til nytten av den forventa kraftproduksjonen i Osane kraftverk. På bakgrunn av dette har NVE gitt løyve til bygging av Osane kraftverk på nærare fastsette vilkår.

Du vil kanskje også se

Hei, kan jeg hjelpe deg med noe?