Hjem > Siste nytt > NVE - Løyve til Laupen kraftverk

NVE - Løyve til Laupen kraftverk

Publisert 04.04.2013, sist oppdatert 05.09.2017

NVE gjev Helgelands Kraft AS løyve til å bygge Laupen kraftverk i Rana kommune i Nordland. Kraftverket vil få ein årleg produksjon på omlag 22,6 GWh, noko som svarar til straumbruken til 1130 husstandar.

Laupen kraftverk vil nytte ei fallhøgd på 402,5 m i Sagelva mellom inntak på 407,5 moh og kraftstasjon på 5 moh. Inntaksbassenget vil verte regulert med 2,5 m mellom høgaste regulerte vasstand på 407,5 moh og lavaste regulerte vasstand på 405 moh. Vatnet skal førast til kraftstasjonen i sjakt og tunnel på heile strekninga.

Den viktigaste problemstillinga i saka er, slik NVE ser det, omsynet til landskapet. Sagelva er eit landskapselement frå fjorden og frå Bardal, og NVE har teke omsyn til dette ved fastsetting av minstevassføring. For å føre straumen fram til eksisterande nett skal det byggast ei 22 kV kraftlinje over Laupen/Sjonfjellet. NVE meiner at linja, som delvis må gå over bart fjell i urøyrd natur, kan tilpassast terrenget så ho ikkje blir for framtredande.

NVE vurderer at dei samla negative verknadane av utbygginga kan aksepterast, sett i forhold til nytta av den forventa kraftproduksjonen i Laupen kraftverk. På bakgrunn av dette har NVE gjeve løyve til bygging av Laupen kraftverk på nærare fastsette vilkår.

Du vil kanskje også se

Hei, kan jeg hjelpe deg med noe?