Hjem > Siste nytt > Kraftsituasjonen veke 32 2014

Kraftsituasjonen veke 32 2014

Publisert 03.08.2020, sist oppdatert 01.09.2020

NordnedNVE

Vedlikehaldsarbeid på fleire overføringslinjer ut av Sør-Noreg bidrog til at norsk nettoeksport vart redusert med 139 GWh frå veke 31 til veke 32. Foto. Nexan

Kapasiteten mellom Aust-Noreg og Sverige var redusert heile veka, og Skagerrak-kabelen mellom Sørvest-Noreg og Jylland hadde redusert kapasitet i store delar av førre veke. Mot slutten av veka var òg kapasiteten på Norned-kabelen redusert.

Trass i dei store avgrensingane heldt kraftprisane i Sør-Noreg seg relativt stabile. Produksjonen vart regulert ned som en konsekvens av overføringsavgrensingane, noko som bidrog til å dempe fallet i kraftprisane i Sør-Noreg. Dette reflekterer den høge reguleringsevna i det norske vasskraftsystemet. I Sørvest-Noreg vart produksjonen redusert med 22,2 prosent frå veka før.

Samstundes var det ein monaleg produksjonsauke i dei to nordlege norske områda. Dette medverka til at nettoeksporten frå Midt- og Nord-Noreg mot Sverige vart meir enn tredobla frå veka før, noko som delvis kompenserte for den reduserte eksporten frå Aust-Noreg.

Nokre timar fredag morgon var det spesielt høge prisar på Jylland, med ein pristopp på 1340,65 kr/MWh. Dette skuldast lav vindkraftproduksjon i kombinasjon med redusert overføringskapasitet frå alle dei omliggande områda.

For meir informasjon , kontakt
Førstekonsulent Christina Stene Beisland, tlf: 22 95 93 22

Hei, kan jeg hjelpe deg med noe?