Kraftmarkedet 1. kvartal 2014
(NVE) Foto: Gudbrandsdal Energi.
Den norske snittprisen på straum var rundt 25 øre/kWh i første kvartal, noko som er 20 prosent lågare enn i same kvartal i fjor. Dette kan mellom anna forklarast med høgare tilsig og mildare vêr enn normalt. Etterspurnaden etter kraft frå hushalda var 5,8 prosent lågare enn i første kvartal i 2013.
Gode produksjonshøve i dei andre nordiske landa har bidrege til å halde dei norske prisane låge. Kjernekraftproduksjonen i Sverige låg på eit stabilt høgt nivå gjennom heile første kvartal, samstundes som vindkraftproduksjonen i Danmark har vore høg, spesielt i første halvdel av kvartalet. Noreg har difor importert kraft i periodar med høg vindkraftproduksjon, medan vi har eksportert kraft i periodar med lite vind. Gjennom å utnytte fleksibiliteten i det norske vasskraftsystemet har produsentane kunna spare på vatnet i periodar med høg uregulerbar kraftproduksjon i våre naboland. Dette, saman med eit relativt høgt tilsig og lågt forbruk, førte til at Noreg gjekk ut av kvartalet med ein magasinfylling over normalen.
Last ned NVE Rapport 36 – 2014: Kvartalsrapport for kraftmarknaden 1. kvartal 2014
Marknadskommentar for første kvartal 2014.
Kontaktpersonar:
Avdelingsdirektør Anne-Vera Skrivarhaug, tlf 22 95 93 50
Fungerande seksjonssjef Gudmund Bartnes, tlf 99 74 42 67
Kommunikasjonsrådgjevar Arne Søiland, tlf 40 21 01 50