Hjem > Siste nytt > Billeg skifergass frå USA kan gjera det vanskeleg å få selt viktige gassprodukt frå Kårstø.

Billeg skifergass frå USA kan gjera det vanskeleg å få selt viktige gassprodukt frå Kårstø.

Publisert 14.12.2012, sist oppdatert 05.09.2017

thomas førde Aftenbladet.no

Ein revolusjon er sett i gong i den internasjonale gassmarknaden. Billeg skifergass frå USA kan bli importert til Norge til erstatning for gass produsert på Kårstø.

Dei petrokjemiske fabrikkane i Grenland i Telemark, som er kontrollert av det britiske konsernet Ineos, har underteikna ein 15 års kontrakt om kjøp av etan, utvunnen frå skifergass i Marcellus-feltet i Pennsylvania i USA.

- Denne gassen blir billegare enn gassen som me i dag kjøper frå Statoil og Kårstø, seier Ineos-direktør Magnar Bakke til Petromagasinet.

Råstoff til plastindustrien


Heilt sidan gass frå ulike felt på Haltenbanken i Norskehavet tok til å strøyma gjennom Åsgard-røyret til Kårstø i 2000, har etan vore skilt ut som eit særskilt produkt ved gassprosesseringsanlegget på Kårstø. I fjor blei det skipa ut 861 000 tonn etan frå Kårstø. Det aller meste går til petrokjemianlegga i Bamble og noko til Stenungsund i Sverige. Etan er eit veleigna råstoff til produksjon av etylen, som igjen er råstoff til plastindustrien.

Clipper Harald i fast rute


Minst to gasstankarar hentar etan på Kårstø. Det er nederlandske "Coral Parensis" og "Clipper Harald" som tilhøyrer gasstankreiarlaget Solvang i Stavanger. "Clipper Harald" har dei siste tolv åra hatt kontrakt på frakt av etan frå Kårstø og går nærmast i fast rute mellom Kårstø og Grenland med etan. - Me har kontrakt med Statoil om slik frakt i eit par år til og med høve til å forlengja kontrakttida, seier adm. dir i Solvang-reiarlaget, Edvin Endresen. Han legg til at det kan vera vanskeleg og spå om framtida. - Skifergassrevolusjonen ein nå ser utvikla seg i USA, kan samtidig opna opp for nye marknadar og nye fraktmulegheiter for våre skip rundt i verda, seier Endresen.

Les hele artikelen i Aftenbladet her

Du vil kanskje også se

Hei, kan jeg hjelpe deg med noe?